«Լիահույս եմ, որ ՀԷՑ-ի հետ կապված անորոշություններն արագ լուծում կստանան»․ Մարտին Գալստյան

«Լիահույս եմ, որ ՀԷՑ-ի հետ կապված անորոշություններն արագ լուծում կստանան»,- այսօրվա ասուլիսի ժամանակ ասել է ՀՀ կենտրոնական բանկի նախագահ Մարտին Գալստյանը։ Լրագրողի հարցին, որ միջազգային վարկանշային Moody's գործակալությունն իջեցրել է ՀԷՑ-ի երկարաժամկետ կորպորատիվ վարկանիշը և դա ինչպես կանդրադառնա Հայաստանի ֆինանսական կայունության ու ներդրումային գրավչության վրա, ԿԲ նախագահն ասել է․ «Լիահույս եմ, որ հարցը, ինչ վերաբերում է այն անորոշություններին, որը կապված է ՀԷՑ-ի հետ, արագ լուծում կստանա, որի արդյունքում մեր ռեյտինգի նվազեցումը կկրի կարճաժամկետ բնույթ, ուստի չեմ կարծում, որ դա ինչ-որ երկարաժամկետ ազդեցություններ պետք է ունենա՝ առավել ևս ֆինանսական կայունության վրա»։