«Փորձում են լռեցնել և թուլացնել ընդդիմությանը»․ Արթուր Խաչատրյան

«Սա քաղաքական հետապնդում է, փորձում են լռեցնել և թուլացնել ընդդիմությանը, բայց վստահ եմ, չեն կարողանալու որևէ հաջողություն արձանագրել»,- այս մասին դատարանի բակում լրագրողների հետ զրույցում ասաց ԱԺ «Հայաստան» խմբակցության պատգամավոր Արթուր Խաչատրյանը՝ անդրադառնալով Սեյրան Օհանյանի և Արծվիկ Միանսյանի գործով դատական նիստին։

«Սա հասարակությանը մոլորեցնելու, հասարակության շրջանում ընդդիմության, ընդդիմության առաջնորդների, «Հայաստան» դաշինքի նկատմամբ բացասական վերաբերմունք ձևավորելու միտում ունի»,- հավելեց Խաչատրյանը։