«ՀՀ ինքնիշխանությանն առաջին հարվածը հասցվեց 2020-ի նոյեմբերի 9-ին, երկրորդը՝ 2023-ի սեպտեմբերի 19-ին»․ Դավիթ Մանուկյան

«Ապրելու երկիր» կուսակցության քաղաքական խորհրդի անդամ Դավիթ Մանուկյանի ֆեյսբուքյան գրառումը. «Հայաստանի ինքնիշխանությանն առաջին մեծ հարվածը հասցվեց 2020 թվականի նոյեմբերի 9-ին, երկրորդը՝ 2023 թվականի սեպտեմբերի 19-ին։
ՀՀ իշխանությունները փորձելով արդարացնել իրենց հանցավոր գործունեությունը, ձգտում են ամեն կերպ լղոզել իրականությունը՝ խեղաթյուրելով առկա փաստերը։ Մյուս կողմից, հանրությանն անընդհատ ճնշում են հնարավոր պատերազմի սպառնալիքով և թույլ չեն տալիս, որպեսզի ժողովուրդը դուրս գա Արցախյան երկրորդ պատերազմից հետո ստեղծված բարոյահոգեբանական ծանր վիճակից։
Նման իրավիճակը ձեռնտու է միայն հայ ազգի թշնամիներին, քանի որ Հայաստանին հեշտությամբ պարտադրում են իրենց անհրաժեշտ որոշումներն: Իսկ իշխանություններին սա ձեռնտու է՝ իշխանությունը պահելու և իրենց կատարած հանցանքների պատասխանատվությունից խուսափելու համար։
Որոշ հիմարներ էլ այնքան հեռու են գնացել, որ հայտարարում են, թե սեպտեմբերի 19-ը՝ Արցախի կորստի օրը, ՀՀ իրական անկախության օրն է։ Նման հայտարարությունները առաջիկայում անպայման պետք է դառնան քննության առարկա՝ որպես հնարավոր կոլլաբորացիոնիզմի դրսևորումներ»։