«Որպես քվեարկող՝ փնտրում եմ երրորդ ուժ»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Մեր ընդդիմությունը, կարծում եմ, ընտրություններին լավ չի նախապատրաստվում և թույլ է տալիս երեք սխալ:
ա․ վարչապետ Նիկոլ Փաշինյանին հայհոյելով, ինձ թվում է, որևէ ավել քվե չի ստանալու: Այլընտրանքներ ու լուծումներ չեն առաջարկվում, միայն հայհոյում են,
բ․ օրակարգեր չեն առաջարկում և քննարկում ու քննդատում են Փաշինյանի օրակարգերը, որոնց մի մասը մտացածին են: Ինքը՝ Փաշինյանը, երբ երրորդ նախագահ Սերժ Սարգսյանին ու ՀՀԿ-ին ընդդիմադիր էր, առաջարկում էր իշխանական բուրգի դեմ ընդդիմադիր բուրգ,
գ․ փողոցային պայքարի փորձերն անիմաստ են, որովհետև փողոցը Փաշինյանի տարերքն է, իսկ իմփիչմենտ անհնար է, եթե ներքաղաքական իրավիճակի մասին ունես տարրական գիտելիքներ:
Այնպես որ, առաջիկա ընտրությունները գնում են իշխանությունների համար շատ ցանկալի սցենարով: Մի բան է պակասում՝ եթե երկրորդ ու երրորդ նախագահները լինեն Փաշինյանին հեռացնողները, ապա գործող վարչապետի հաղթանակն ու սահմանադրական մեծամասնությունը գրեթե ապահովված է:
Որպես քվեարկող՝ փնտրում եմ երրորդ ուժ»: