«Իմփիչմենթին զուգահեռ փողոցային ճնշում պետք է լինի»․ Տիգրան Աբրահամյան

ԱԺ «Պատիվ ունեմ» խմբակցության նախաձեռնությամբ հրավիրվել են խորհրդարանական լսումներ՝ Նիկոլ Փաշինյանին անվստահություն հայտնելու թեմայով: Քննարկվում է խմբակցության ներկայացրած «Ազգային ճգնաժամի և կառավարման ձախողման մասին» հայտարարության նախագիծը:
«Իմփիչմենթի գործընթացը խորհրդարան կբերենք և կհանրայնացնենք իրենց ստորագրությունը դրած անձանց անունները, երբ հստակ կլինի, որ այդ ձայները մոտենում են 54-ին»,- ԱԺ լսումների ժամանակ իր ելույթում ասաց «Պատիվ ունեմ» խմբակցության քարտուղար Տիգրան Աբրահամյանը՝ նշելով, որ զուգահեռաբար պետք է նաև հանրային ճնշում լինի․ «Ենթադրվում է հասարակական և քաղաքական ճնշում, որը պետք է տեղի ունենա փողոցում»,- նշեց Աբրահամյանը՝ հավելելով, որ լսումների արդյունքում կհստակեցվի հետագա գործողությունների ճանապարհային քարտեզը։