ՔՊ–ական նախարարները բիզնես–նախաճաշ են կազմակերպել Էջմիածնի գործարարների հետ

ՔՊ–ական նախարարները բիզնես–նախաճաշ են կազմակերպել Էջմիածնի գործարարների հետ։ Այս մասին տեղեկանում ենք ՀՀ ֆինանսների նախարար Վահե Հովհաննիսյանի ֆեյսբուքյան էջից։ Հրապարակված տեսանյութին կից նա գրել է․ «Պետություն-մասնավոր երկխոսության արդյունավետությունը չափվում է միմյանց լսելու և հասկանալու կարողությամբ։ Միայն այդպես կարող ենք ձևավորել քաղաքականություններ, որոնք ճշգրիտ կերպով արտացոլում են ոլորտային կարիքներն ու դրանց լուծումները։ Այդ համոզմամբ էլ պարբերաբար հանդիպում ենք գործարարների միությունների և ասոցիացիաների հետ, սակայն մարզերում գործող մեր տնտեսավարողները հաճախ բավարար չափով համախմբված չեն լինում նման կառույցների շուրջ, որպեսզի իրենց ձայնը լսելի դարձնեն։ Եվ մինչ մեր երկրի ամբողջ տարածքում կձևավորվեն և կզարգանան ակտիվ միություններ, գործընկերներիս՝ ՏԿԵ նախարար Դավիթ Խուդաթյանի և էկոնոմիկայի նախարար Գևորգ Պապոյանի հետ կարևոր համարեցինք նախաձեռնել նման հանդիպումներ և լսել նրանց բիզնես-նախաճաշի ձևաչափով։ Իսկ մեր առաջին կանգառը Վաղարշապատ համայնքում էր»։