«ՀՀ-ում դատական համակարգը վեր է ածվել քաղաքական ճնշման գործիքի»․ Դավիթ Անանյան

ՊԵԿ նախկին ղեկավար Դավիթ Անանյանի ֆեյսբուքյան գրառումը․ «Միքայել Արքեպիսկոպոս Աջապահյանի նկատմամբ այսօր կայացված դատավճիռը՝ երկու տարվա ազատազրկման ձևով, ոչ միայն անհիմն և շինծու մեղադրանքի արդյունք է, այլև ակնհայտ քաղաքական հաշվեհարդար։ Սա հարված է ոչ թե միայն Սրբազան հոր անձին, այլև ամբողջ Հայ Առաքելական Եկեղեցուն՝ մեր ժողովրդի ինքնության ու ազգային պետականության կարևորագույն հենասյունին։
Մենք խստորեն դատապարտում ենք իշխանությունների այս քայլը, որը հերթական անգամ ապացուցում է՝ Հայաստանում դատական համակարգը վեր է ածվել քաղաքական ճնշման գործիքի։ Նման դատավճիռները ուղղված են ոչ թե արդարությանը, այլ հասարակության կամքը կոտրելուն։
Մենք մեր զորակցությունն ու աջակցությունն ենք հայտնում Միքայել Արքեպիսկոպոս Աջապահյանին և բոլոր քաղաքական բանտարկյալներին։ Նրանց պայքարը մեր պայքարն է։ Վստահ ենք՝ մեր ժողովրդի համառ ջանքերով և ազատության պահանջով շատ շուտով հիմքը կդրվի նոր Հայաստանի՝ ազատ, արդար և արժանապատիվ պետականության կառուցմանը»։