«Այս փուլում չկա այն ուժը, որին կքվեարկեն»․ Գոռ Մադոյան

Վերլուծաբան Գոռ Մադոյանի ֆեյսբուքյան գրառումը․ «Կներեք անկեղծությանս համար, բայց Հայաստանում, այս փուլում, այս ռեսուրսային բալանսով, այս ուժային դասավորությամբ, այս օրենսգրքով ու այս սահմանադրությամբ՝ ընտրություններին մասնակցելու իմաստ չկա ուղղակի:
Ենթադրենք, մանր կուսակցությունն ինչ-որ հրաշքով հաղթահարեց 4% շեմն ու մտավ խորհրդարան, հետո՞, ի՞նչ ա անելու, ազդեցություն՝ զրո, լծակ՝ զրո, դվիժենի՝ դեմ չեմ, հայտնիություն, ռոճիկ, պադավատ, կաբինետ՝ դեմ չեմ, բայց այդ ամենը զրո ազդեցություն ա ունենալու օրենսդիր իշխանության ձևավորման և գործադիր քաղաքականության վարման վրա:
Ինչ ազդեցություն ու լծակ ունեն Սերժն ու Ռոբերտը, զրո, ախպեր, բուտաֆորիա են օրենսդրական ու գործադիր առումով, ուղղակի տեղի պարագա, մասովկա են: ՀՀ սահմանադրությունն ու ընտրական օրենսդրությունը նենց ա գրած, որ հաղթողը վերցնում ա ամեն ինչ:
Կարծում եմ համաձայն եք, որ հիմա այսօր ու միգուցե վաղը, ՀՀ քաղաքացիների մեծամասնությունը այս իշխանությունից չեն հոգնել այնքան, որ քվեով կամ փողոցով դեմ քվեարկեն կամ ճանապարհեն ասեն լավ հերիք ա, հաջորդն ենք ուզում, զզվանք ձեզնից: Ավելին, ոչ միայն չկա այն ուժը, որին կքվեարկեն, այլև չկա այն մտայնությունը, որ այս իշխանությունը չէ՝ ով լինի: Շնորհակալություն Փաշինյանին աղետը կապիտալիզացնելու համար, լիքը բանական մարդ տենց էլ արդարացնում ա իշխանության չփոփոխությունը, որ հենա ասինք Սերժը չէ ով լինի աղետ եղավ, բերեք էլ չփոխենք․․․
Միգուցե տհաճ ա իրենց էսթետիկան, միգուցե դժգոհ են ավելի քիչ սոցապից, դժգոհ են կենցաղային անհարմարություններից ու առօրյա անարդարությունից, բայց դա այն աստիճանի չի հասել, որ երևա թե պատրաստ են հակաքվեով ճամփել կամ փողոց դուրս գալ, էլի եմ ասում այս փուլում ու հիմա:
Ըստ այդ, եթե ընդդիմություն ես ու եթե իշխանության կամ տիտղոսային ընդդիմության ճամբարից չես, ապա քո կողմից ընտրություններին մասնակցելը լեգիտիմիացնելու է եղած ստատուս քվոն ուզես թե չուզես: Ցածր թվերովդ ցույց ես տալու, որ դե հենա տեսեք, մարդիկ փոփոխություն չեն ուզում, չընտրեցին մեզ»։