«Արամ, Թադե և Տարոն քահանաներն իմ հոգում սպանում են Աստծո ծառաների բարձր կերպարը»․ Նաիրի Հոխիկյան

Լրագրող, հանրային գործիչ Նաիրի Հոխիկյանի ֆեյսբուքյան գրառումը․ «Կար ժամանակ, երբ հոգևորականները ինձ համար առանձնահատուկ հարգանքի արժանի մարդիկ էին, ում դիմում էի խոնարհությամբ։ Վերջին շրջանում Եկեղեցու դեմ Նիկոլի նախաձեռնած սատանաների հարձակմանը Արամ, Թադե, Տարոն քահանաների միանալուց հետո մի տեսակ զգուշությամբ եմ շփվում հոգևորականների հետ։
Վատն այն է, որ քահանաների հետ շփվելիս կարող ես սկսել մտածել՝ հո էս մեկն էլ Աստծուն ու Եկեղեցին ուրացող սատանայապաշտ չի՞: Ու ո՞նց այդպիսի քահանայի դիմես «Տեր Հայր» կամ ո՞նց օրհնություն խնդրես, եթե նրա հոգում սատանան է բույն դրել։
Արամ, Թադե և Տարոն քահանաները իմ հոգում սպանում են Աստծո ծառաների բարձր կերպարը, առավել ևս, երբ նման շեղվածներին կարգալույծ չեն անում։ Ասենք ինչպե՞ս քրիստոնյա հավատացյալ մարդը գնա Հովհաննավանք կամ Հաղարծին, երբ այնտեղ, կամա թե ակամա, սատանայի ծառան է նստած»։