«Արարատի մարզը խեղդվում է ցեմենտի հանքերի և գործարանների արտանետումներից»․ Մհեր Կարագոզյան

«Հանրային վերահսկողություն» ՀԿ նախագահ Մհեր Կարագոզյանի ֆեյսբուքյան գրառումը. «Արարատի մարզը արդեն խեղդվում է ցեմենտի հանքերի և գործարանների արտանետումներից։
Օդն ու ջուրը աղտոտված են, մարդկանց առողջությունը՝ վտանգված։ Այս պայմաններում «ՕՐԴ» ընկերությունը նոր հանք է ցանկանում բացել Կարմիր Սարում և կազմակերպել է այսպես կոչված հանրային լսումներ՝ փորձելով հանրային համաձայնություն ձևացնել մի աղետալի նախաձեռնության շուրջ։
Բայց Կարմիր Սարը մեր կյանքի, մեր բնության ու մեր երեխաների ապագայի մասն է։
Այստեղ հանք բացել նշանակում է վերջնականապես ոչնչացնել մեր շրջակա միջավայրը։
Կարմիր Սարը՝ ոչ թե շահագործման, այլ պահպանման տարածք է։
Մենք պարտավոր ենք պաշտպանել այն»։