«Այս փուլում Ալիևի նախապայմանը ՀՀ-ում նոր Սահմանադրության ընդունումն է»․ «ՀայաՔվե»

«ՀայաՔվե»-ի թելեգրամյան գրառումը. «Ալիևն առաջ է քաշում նախապայմաններ, որոնք բացարձակապես անիրականանալի են:

Դա ցույց է տալիս, որ նա շահագրգռված չէ խաղաղության հարցում: Անկհայտ է, որ այս ընթացքում սահմանադրական փոփոխությունների մասին բոլոր խոսակցությունները Փաշինյանը փորձում էր քողարկել:

Հիմա արդեն բացահայտվել է, որ դա Ալիևի հերթական պարտադրանք է: Թշնամի պետության առաջնորդն անթաքույց խոսում է այդ մասին՝ դա ներկայացնելով որպես «խաղաղության պայմանագիր» կնքելու նախապայման:

Ակնհայտ է, որ եթե նույնիսկ Հայաստանում Սահմանադրություն փոխվի, Ալիևը դարձյալ չի կնքի այդ պայմանագիրը՝ նոր նախապայմաններ առաջ քաշելով: Այս փուլում, սակայն, նախապայմանը նոր Սահմանադրության ընդունումն է»: