«Արթիկը կարող է դառնալ տարածաշրջանի առաջատար քաղաքներից մեկը». Մհեր Մելքոնյան

ԱԺ «Հայաստան» խմբակցության պատգամավոր Մհեր Մելքոնյանի ֆեյսբուքյան գրառումը․ «Արթիկը հանդիսանում է Հայաստանի այն եզակի համայնքներից մեկը, որի հումքային, մշակութային և մարդկային ներուժը կարող է վերածվել տնտեսական զարգացման երկարաժամկետ հիմքի։
Համայնքն ունի մեծ պոտենցիալ՝ դառնալու ոչ միայն ազգային, այլև միջազգային ճանաչում ունեցող կենտրոն՝ հանքարդյունաբերության ոլորտում։
Վարդագույն տուֆը՝ Արթիկի խորհրդանիշը, կարևոր դեր է ունեցել Հայաստանի ճարտարապետական կերպարի ձևավորման գործում։ Այս բնական ռեսուրսը պետք է դիտարկել ոչ թե միայն որպես հումք, այլ որպես բարձրարժեք մշակութային ու տնտեսական ակտիվ, որի շուրջ կարելի է կառուցել ամբողջական բրենդավորում և զարգացում։
Այսօր առավել քան երբևէ անհրաժեշտություն կա՝ վերարժևորելու Արթիկի տնտեսական, մշակութային և զբոսաշրջային ներուժը։ Համայնքն ունի բնույթով ձևավորված, իսկ հնարավորություններով չմարած հսկայական պոտենցիալ, որը հնարավոր է լիարժեք իրացնել հետևողական և նպատակային քաղաքականության միջոցով։
Հաշվի առնելով վերոնշյալը՝ Արթիկի զարգացման ռազմավարության կենտրոնում պետք է քննարկել հետևյալ ուղղությունները․
1. Բրենդավորում՝ հիմնված վարդագույն տուֆի վրա՝ որպես համայնքի ինքնության և ճանաչելիության առանցք։
2. Քարամշակման արդյունաբերության արդիականացում՝ ժամանակակից տեխնոլոգիաների ներգրավմամբ և կրթված մասնագետների ներգրավմամբ։
3. Տեղական ձեռնարկատիրության խթանում՝ քարագործության, դիզայնի և արվեստի ոլորտներում:
4. Մշակութային և արդյունաբերական տուրիզմի զարգացում՝ ներառյալ այցելուների կենտրոնների, ցուցասրահների և քարագործության վարպետության դպրոցների ստեղծումը։
5. Ներդրումային միջավայրի ձևավորում, ներառյալ արտասահմանյան գործընկերների հետ համագործակցության խթանումը։
Արթիկի վարդագույն տուֆը պետք է դիտարկել ոչ միայն որպես բնական ռեսուրս, այլ՝ որպես համայնքային տնտեսության շարժիչ, մշակութային ժառանգություն և ներդրումային գրավիչ բովանդակություն։ Արթիկը կարող է և պետք է դառնա ազգային և միջազգային մակարդակում ճանաչվող բրենդ՝ քարամշակման և հայկական ճարտարապետական ժառանգության ոլորտներում։
Այդ նպատակով՝
-Կողմ եմ նախաձեռնություններին, որոնք ուղղված կլինեն Արթիկի հնարավորությունների բացահայտմանը և տնտեսական ակտիվության ավելացմանը։
-Առաջարկում եմ համատեղել պետական, համայնքային և մասնավոր սեկտորի ջանքերը՝ մշակելու և կյանքի կոչելու Արթիկի հանքարդյունաբերության զարգացման համապարփակ ծրագիր։
-Անհրաժեշտ եմ համարում պետական աջակցության տրամադրումը ենթակառուցվածքների, մասնագետների վերապատրաստման, մարքեթինգի և միջազգային ներկայացման ուղղությամբ։
Վարդագույն տուֆի վրա հիմնված բրենդը կարող է ոչ միայն Արթիկի զարգացման շարժիչ ուժը դառնալ, այլ նաև մեծապես նպաստել տնտեսական առաջընթացին։
Համոզված եմ, որ համախմբված աշխատանքի, պետականամետ և պատասխանատու իշխանության և ազգային տեսլականով առաջնորդվող մոտեցման շնորհիվ՝ Արթիկը կարող է դառնալ տարածաշրջանի առաջատար քաղաքներից մեկը»։

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
26519.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
24819.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
150316.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
123715.11.2026, 19:19
Խաղողագործներին փող չեն տալիս․ «Հրապարակ»
73714.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
163413.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
74612.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
198310.11.2026, 19:37