«Ինչո՞ւ նախկին նախագահները կյանքի չեն կոչել Ղարաբաղի հարցի՝ իրենց լուծումները»․ Նիկոլ Փաշինյան

«Ինչո՞ւ Հայաստանի նախկին երեք ղեկավարները կյանքի չեն կոչել Ղարաբաղի հարցի՝ իրենց կողմից նկարագրվող հոյակապ լուծումները»,- ֆեյսբուքյան եթերում ասել է վարչապետ Նիկոլ Փաշինյանը՝ պատասխանելով․ «Սրա համար կարող է լինել երկու տարբերակ։ Առաջինը՝ նրանք ցուցաբերել են հանցավոր անգործություն՝ գուցե ծառայելով ոչ թե Հայաստանի, այլ օտար երկրների շահերին, մեզ զրկելով Ղարաբաղի հարցի հոյակապ լուծումից։ Երկրորդ տարբերակը՝ նրանց կողմից նկարագրվող այդ հոյոկապ լուծումները պարզապես մտավարժանքի վրա հիմնված քաղաքական խաբեություն են և դրանց իրագործումը երբեք էլ հնարավոր չի եղել։ Ուրիշ տարբերակ պարզապես չկա»։