75 մլն դրամ` հերթական ֆորումի համար. «Ժողովուրդ»

«Ժողովուրդ»-ը գրում է. «Վերջին շրջանում Հայաստանում ֆորումներից, համաժողովներից և գագաթաժողովներից «աչք չի բացում» կառավարությունը։
Առաջիկայում՝ 2025 թվականի նոյեմբերի 21-ից 23-ը, Կարեն Դեմիրճյանի անվան մարզահամերգային համալիրում կանցկացվի առաջին զբոսաշրջության միջազգային ցուցահանդես-համաժողովը՝ International Tourism Fair Armenia 2025-ը։
Պաշտոնական հայտարարությամբ, ֆորումը դառնալու է զբոսաշրջության միջազգային խաչմերուկ, որտեղ ձևավորվում են նոր հնարավորություններ և բազում համագործակցություններ:
Այս ֆորումի համար էկոնոմիկայի նախարարությունը հատկացրել է 75 մլն 400 հազար դրամ։

Միջոցառման կազմակերպման ամենաթանկարժեք ծառայությունը հյուրասիրության և սննդի կազմակերպման համար է հատկացվել՝ 30 մլն դրամ, որը ամբողջ հատկացման գրեթե 40%-ն է։
2-րդ ամենաթանկ հատկացումը բարձրաստիճան հյուրերի և մասնակիցների տեղափոխման ծառայություններն է ընդգրկում՝ կազմելով 6,5 մլն դրամ։

Ահա, թե ինչպիսի ծառայությունների համար է ծախսվում պետական բյուջեն»։