Երկուշաբթի, 06 ապրիլի, 2026 թ.
|
Ստեփանակերտում`   +12 °C

«Ձեզանից շատ ենք այդ հարցով զբաղվում»․ Գևորգ Պապոյան

«Ձեզանից շատ ենք այդ հարցով զբաղվում»․ Գևորգ Պապոյան
447
Հինգշաբթի, 16 հոկտեմբերի, 2025 թ., 12:30

«Ոչ միայն տեղյակ ենք, այլ ձեզանից շատ ենք այդ հարցով զբաղվում։ Ամենաբարձր մակարդակով զբաղվում ենք այդ հարցով՝ ԵԱՏՄ-ում, և ես շատ մեծ հույս ունեմ, որ խնդիրը լուծվելու է»,- կառավարության դիմաց ակցիա իրականացնող բեռնատարների վարորդների հետ զրույցում ասաց ՀՀ էկոնոմիկայի նախարար Գևորգ Պապոյանը։ «Այս պահին մանրամասների մասին չեմ կարող խոսել, քանի որ դա կարող է գործին խանգարել։ Առանց էս ցույցի էլ մի շաբաթ է զբաղվում ենք, ու զբաղվելու ենք էնքան՝ մինչև կարողանանք հասնել խնդրի լուծման։ Ես էլ գիտեմ, որ 90 օրը մեր պարագայում չաշխատող տարբերակ է, որովհետև տարվա մեջ մենակ 90 օր Վերին Լարսում կարող է կանգնեք»։

«Ինչքա՞ն է տևելու այդ լուծումը։ Ղազախստանում հելան ու արագ էդ հարցին լուծում տվին»․ հարցրեցին վարորդները։ «Լուծումը մի ձևի է լինելու, այն խնդիրը, որ կար Ղազախստանում և Ղրղըզստանում, նույնական է, բայց նրանց դեպքում ավելի հեշտ էր անքանով, որ իրենք Վերին Լարս չունեն»։

Հիշեցնենք, որ այսօր բեռնատարների վարորդները արդեն երկրորդ անգամ կառավարության մոտ բողոքի ակցիա են իրականացնում ՌԴ-ում միգրացիայի կանոնների խստացման դեմ և կառավարությունից պահանջում են քայլեր ձեռնարկեն՝ խստացումների մեղմացման համար։

Գևորգ Պապոյանը հանդիպեց ակցիայի մասնակիցներին

Կարդացե՛ք նաև