«Քաղաքացին շարունակում է խմել այն ջուրը, որի որակը ոչ ոք չի երաշխավորում»․ Անուշ Պողոսյան

«Առողջության իրավունք» ՀԿ-ի նախագահ Անուշ Պողոսյանը գրում է. «Խմելու ջրի որակի ստվերային իրականությունը
«Սուր անկյուն» հաղորդաշարը անդրադարձել էր խմելու ջրի որակի խնդիրներին։ Մի քանի դիտարկում այս թեմայի շուրջ․
NCDC, Armenia / Հիվանդությունների վերահսկման և կանխարգելման Ազգային Կենտրոնի լաբորատորիաները խմելու ջրի մանրէաբանական և քիմիական հետազոտություններ են իրականացնում պետական պատվերի շրջանակում՝ հաստատված պլանների համաձայն։ Բացի այդ, իրականացվում են նաև վճարովի հետազոտություններ՝ համայնքների, տնտեսվարողների և անհատների հետ կնքված պայմանագրերի հիման վրա։
Պատասխանից խուսափելու հավանական պատճառներից մեկն այն է, որ երեք մարզերի մասնաճյուղերի լաբորատոր աշխատակիցների կրճատումից հետո տվյալ մարզերում խմելու ջրի (և ոչ միայն) նմուշառումը կատարվում է խիստ խախտումներով։ Նմուշառման կետերը, ըստ աշխատակիցների, հաճախ չեն համապատասխանում լիցենզավորման պահանջներին, գործում են վատթարագույն պայմաններում՝ առանց կենսանվտանգության և որակի չափորոշիչների պահպանման։
Վարակազերծում և մանրէազերծում տեղում չեն իրականացվում։ Մանրէազերծ տարրաները տեղափոխվում են առանց համապատասխան սանիտարական և տեխնիկական ապահովման, խախտվում են տեղափոխման կանոնները։ Նմուշները տեղափոխվում են առանց սառնարանային բեռնարկղերի՝ չապահովելով պահանջվող ջերմային ռեժիմը։
Յուրաքանչյուր հետազոտության արդյունքի հավաստիությունը սկսվում է հենց ճիշտ նմուշառումից և տեղափոխումից։ Ահա թե ինչու «Վեոլիա Ջուրը» փաստում է, որ նմուշառումը շատ դեպքերում կատարվում է ոչ պատշաճ ձևով։
Արմավիրի տարածաշրջանի ջուրը մշտապես աչքի է ընկել կոշտությամբ և մանրէաբանական շեղումներով։ Վերջին տարիներին Արմավիր քաղաքում և հարակից գյուղերում խմելու ջուրը վաճառվում է շրջիկ ցիստեռներով և ստացիոնար կետերում՝ հիմնականում Թալինից բերված ջուր։ Բնակչության մեծ մասը օգտվում է այդ ջրից։
Բնական է հարցը՝ ո՞վ է վերահսկում այս ամբողջ շղթան։ Ո՞վ է իրականացնում ջրի հետազոտությունները, տալիս թույլտվություն՝ այն շահագործելու։ Ովքե՞ր են այս ամենի հովանավորներն ու պատասխանատուները։ Ինչպես միշտ, տուժողը մնում է շարքային քաղաքացին։ Ահա սա է պատճառը, որ Arpine Hovhannisyanին պատասխանել են «մենք կապ չունենք»։ Իսկ իրականում հիվանդությունների կանխարգելման և վերահսկման առումով ամենամեծ պատասխանատվությունը այս կառույցինն է․․․․
Հ․Գ․ Ժամանակն է, որ իրականացվի անկախ փորձագիտական հետազոտություն՝ բացահայտելու խախտումները և տրվի իրավական գնահատական։ Քանի դեռ վերահսկողության մեխանիզմները թերի են, քաղաքացին շարունակում է խմել այն ջուրը, որի որակը ոչ ոք երաշխավորել չի կարող»։

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
174Երեկ, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
50313.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
76211.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
81609.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
79909.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
98706.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
103605.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
229304.11.2026, 23:31