«Հեռու չէ օրը, երբ որոշ շուկաներ ընդհանրապես կհրաժարվեն ԱՄՆ դոլարից»․ Հովհաննես Ավետիսյան

Հանրային կառավարման մասնագետ Հովհաննես Ավետիսյանի ֆեյսբուքյան գրառումը. «Գերմանիայի կանցլերը առաջարկում է ՌԴ-ին պատկանող արևմուտքի կողմից սառեցված ակտիվներից 140 միլիարդ դոլար անտոկոս վարկ տալ Ուկրաինային միայն զենք գնելու համար:
Զուգահեռ իրականության մեջ, խոշոր բանկերն ու ներդրողները սկսել են նախապատվություն տալ ոսկուն՝ որպես իրենց ակտիվները պահելու միջոց, և դոլարից այլևս խուսափում են՝ չցանկանալով այս արժույթով հավելյալ ռեզերվներ կուտակել:
Հիմնականում սրա հետևանքով է, որ ոսկու գինը կտրուկ աճել է բորսաներում:
Արևմուտքի առաջնորդությունը իր իսկ ձեռքով քանդում է ներկայի գլոբալ աշխարհակարգը, որի հիմքը ԱՄՆ դոլարն է որպես գլխավոր առևտրային և պահուստային միջոց: Իսկ սրա հանդեպ վստահության անկումը բերելու է գլոբալ առևտրի և պահուստների համակարգերում ճգնաժամերի:
Արդեն իսկ այս պային G7 զարգացած պետությունների խումբը աշխարհում ստեղծվող արժեքի մեջ ավելի քիչ բաժին ունի, քան BRICS պետությունների խումբը: Այս պայմաններում հեռու չէ օրը, երբ որոշ շուկաներ ընդհանրապես կհրաժարվեն ԱՄՆ դոլարից և կսկսեն առևտուր անել օրինակ չինական յուանով»: