«70 տարեկանը կարող է ուզենա սուրոգատ մոր միջոցով երեխա ունենալ, բայց երեխայի շահը պիտի հաշվի առնենք»․ Հռիփսիմե Հունանյան

«Թեպետ Սահմանադրական դատարանի որոշումները քննելի չեն, բայց այս օրենքի մեջ պետք է հաշվի առնել երեխայի լավագույն շահը»,- ԱԺ-ում «Մարդու վերարտադրողական առողջության և վերարտադրողական իրավունքների մասին» օրենքում փոփոխություններ կատարելու հարցի քննարկման ժամանակ ասաց ԱԺ առողջապահության մշտական հանձնաժողովի նախագահ Հռիփսիմե Հունանյանը։
Նշենք, որ «Մարդու վերարտադրողական առողջության և վերարտադրողական իրավունքների մասին» օրենքում փոփոխություններ կատարելու անհրաժեշտություն է առաջացել՝ հաշվի առնելով Սահմանադրական դատարանի որոշումը։ Ըստ օրենքի 12-րդ հոդվածի 1-ին մասի 1-ին և 2-րդ կետերի՝ «մարդու վերարտադրողական օժանդակ տեխնոլոգիաներից օգտվելու իրավունք ունեն՝
1) ՀՀ օրենսդրությամբ սահմանված կարգով գրանցված (վավեր ճանաչված) ամուսնության մեջ գտնվող զույգը՝ միայն կնոջ (ամուսնու) հետ փոխադարձ համաձայնության առկայության դեպքում, եթե ամուսիններից մեկը մինչև 55 տարեկան է (հղիությունը կրելու դեպքում կնոջ տարիքային շեմը սահմանվում է մինչև 53 տարեկան).
2) ՀՀ օրենսդրությամբ սահմանված կարգով գրանցված (վավեր ճանաչված) ամուսնության մեջ չգտնվող մինչև 55 տարեկան տղամարդը կամ կինը՝ իր ցանկությամբ (հղիությունը կրելու դեպքում կնոջ տարիքային շեմը սահմանվում է մինչև 53 տարեկան)»:
Նախագծում նշված է, որ Սահմանադրական դատարանի որոշմամբ օրենքի վերոնշյալ հոդվածի կետերը ճանաչվել են հակասահմանադրական։
Հռիփսիմե Հունանյանն իր խոսքում նշեց, որ տարիքային սահմանափակումները բխում էին երեխայի շահերից․ «Տարիքային սահմանափակումը հանելու դեպքում ռիսկեր եմ տեսնում։ Ենթադրենք՝ 70 տարեկան կինը կամ տղամարդը ուզենան երեխա ունենալ սուրոգատ մոր օգնությամբ, այստեղ խնդիր է առաջանում երեխայի լավագույն շահի հետ կապված։ 70 տարեկանն արդեն տարեց է, ով ունի խնամքի կարիք, բայց նա պետք է խնամի այդ երեխային, ես այստեղ խնդիր եմ տեսնում»,- ասաց Հունանյանը։

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
174Երեկ, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
50313.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
76211.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
81609.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
79909.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
98706.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
103605.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
229304.11.2026, 23:31