«Թոշակառուն ու աշխատող աղքատն ասում են՝ մեզ ինչո՞ւ մոռացաք». Թադևոս Ավետիսյան

«Մարդիկ պարզ բան են ասում՝ ձեր կառավարման շրջանում իրենց կյանքի որակը վատացել է, գներն ավելի արագ են աճել, քան իրենց թոշակը, կամ անապահովության նպաստը, կամ նվազագույն աշխատավարձը»,- 2026թ. պետական բյուջեի նախնական քննարկման ժամանակ, դիմելով Ֆինանսների նախարար Վահե Հովհաննիսյանին, ասաց ընդդիմադիր Թադևոս Ավետիսյանը: «Թոշակառուն և աշխատող աղքատն ասում է՝ ինձ ինչո՞ւ մոռացաք, ասում է՝ բա ես էլ հիմա պիտի ստանայի պարենային զամբյուղի արժեքի չափով նվազագույն թոշակ, ինչի՞ չեմ ստանում»,- հավելեց պատգամավորը:

Նախարարն ասաց՝ կան ծախսեր, որոնք ավելացել են, համարվել են ավելի գերակա. «Առանձին քաղաքականությունների մասով կարող ենք քննարկում ունենալ ու դուք, օրինակ, առաջարկեք, ասեք՝ գիտեք ինչ, մյուս տարի այս թիվը, որ գրել եք ստեղ, մի գրեք, վերցրեք, գրեք թոշակների դիմաց: Դա կլինի քննարկում: Ասեք՝ ո՞ր քաղաքականությունը ձեզ դուր չի գալիս, կքննարկենք, հասկանանք՝ հնարավո՞ր է ձեր առաջարկն անել»: