Ուրբաթ, 14 օգոստոսի, 2026 թ.
|
Ստեփանակերտում`   +26 °C

«Բազմաթիվ մարդիկ արձանագրում են, որ չունեն հասանելիություն Hellobity-ում առկա իրենց գումարներին»․ Արփինե Հովհաննիսյան

«Բազմաթիվ մարդիկ արձանագրում են, որ չունեն հասանելիություն Hellobity-ում առկա իրենց գումարներին»․ Արփինե Հովհաննիսյան
626
Շաբաթ, 08 նոյեմբերի, 2025 թ., 15:24

ՀՀ արդարադատության նախկին նախարար Արփինե Հովհաննիսյանի գրառումը․ «Երեկվանից բազմաթիվ մարդիկ արձանագրում են, որ չունեն հասանելիություն Hellobity-ում առկա իրենց գումարներին, ամեն ինչ անհետացել է: Օրեր առաջ գրել էի, որ առկա են ֆինանսական բուրգեր, որոնցից որոշները գայթակղում են մարդկանց՝ առաջարկելով ահռելի շահութաբերություն՝ սնելով հիմնականում կրիպտոակտիվների շուրջ եղած միստիկ եկամտաբերության մասին միֆերով: Իրականում շահույթ չկար ու չէր կարող լինել, այն մարդիկ, ում ինչ որ գումար տվել էին, արել էին իր իսկ կողմից ներգրաված այլ մարդկանց հաշվին: Մեկի փողը մյուսին տալով ու ասելով էլի մարդ բեր... հիմա ամեն ինչ փլուզվեց, բայց մարդկանցից էլի փող քաշելու սխեման այլակերպվել է:
Հիմա ասում են՝ փող տվեք մի քիչ՝ վերականգնենք, փաստաբան վարձեք՝ վերականգնենք ու նման բաներ: Սիրելի հայրենակիցներ, արդեն իսկ տուժած մարդիկ, մի՜ հավատացեք ու մի՜ տրվեք սադրանքների:
Այստեղ անելիք ունի ոստիկանությունը, որն արդեն օրեր առաջ զգուշացրել էր այս մասին: Եթե շանս լինի բացահայտեն գուցե գումարների վերադարձի շանս լինի, բայց դա գրեթե անհնար է:
Նման բուրգեր կան ու լինելու են: Մի՜ վստահեք ձեր դժվար աշխատած գումարները անծանոթ խարդախներին:
Հ.Գ. Եթե չեք կարողանում կանխիկացնել, դիմե՜ք ոստիկանություն, որպիսի կարողանան վարույթ նախաձեռնել ու այս պահին գոնե արգելափակել»։

Աղբյուրը`   Արփինե Հովհաննիսյան

Կարդացե՛ք նաև