«Դուք վճարելու եք գումար, որից համարյա թե չեք օգտվելու»․ Հրայր Կամենդատյան

Տնտեսագետ Հրայր Կամենդատյանի ֆեյսբուքյան գրառումը․ «Հայաստանի Հանրապետության առողջ աշխատողներին։
Ուրեմն, 2026 թվականի հունվարի մեկից սկսվում է առողջապահության պարտադիր ապահովագրման փուլը։ Այս փուլում 200 հազար դրամ աշխատավարձ ստացող աշխատողների վրա դրվում է նոր հարկ՝ տարեկան 129000 դրամ։ Հիմա պատկերացրեք, թե ի՞նչ է դա նշանակում։ Դուք վճարելու եք գումար, որից համարյա թե չեք օգտվելու։ Չեք օգտվելու, որովհետև հիվանդանոցի ծախսերը մի քանի անգամ բարձր են լինելու ապահովագրական գումարից և դրանից բացի շատ ծառայությունների վրա այդ ապահովագրությունը չի էլ տարածվելու։ Իմիջայլոց, սա ավտոտրանսպորտային ապահովագրությանը բացարձակ նման չէ և այստեղ կիրառվելու է յուրահատուկ համակարգ։ Կարևոր հանգամանք է լինելու հիվանդանոցներ գերբեռնված լինելու փաստը։ Հարցերը բազմաթիվ են և մենք հետամուտ ենք լինելու դրանց բացահայտմանը։ Այս կարգի փնթի ապահովագրությունն ընդունելի չէ և պետք է համալիր փորձաքննության ենթարկվի»։