«Հայաստանի պարտություններով իրենք հպարտանում են». Ոսկան Սարգսյան

Լրագրող Ոսկան Սարգսյանի գրառումը. «ՔՊ-ում Վաղարաշապատի ընտրությունների արդյունքների հետ կապված քեֆ-ուրախություն էր, իբր թե Արցախը վերադարձրել են, հայ գերիներին Բաքվից ետ են բերել․ Հայաստանից տասնյակ հազարավոր հեկտար տարածքներն ադրբեջանական օկուպացիայից սահմանազատումով ազատել են, 15 միլիարդ դոլար պետական պարտքը մարել են, Աջափնյակի մետրոյի կայարանը, ակադեմիական քաղաքը սարքել են։ ՔՊ-ականների բուռն ուրախությանը չէր խանգարել այն, որ երեկ Հայաստանի ֆուտբոլի հավաքականը հերթական անգամ խայտառակ էր արել Հայաստանն ու հայերին, հոկեյի՝ 9:1 հաշվով պարտվելով Պորտուգալիային։ Ինչպես ՔՊ-ական իշխանությունը Հայասստանի խայտառակ պարտություններից հետո հրաժարական չի տալիս, այնպես էլ Հայաստանում իշխող իջևանյան կլանի ֆուտբոլային թևի ղեկավար, ծագումով Իջևանի Աչաջուր գյուղից Արմեն Մելքիբեկյանը այդքան խայտառակություններից հետո հրաժարական չի տալիս ՀՖՖ նախագահի պաշտոնից։ Իրենց համար իրենց «յուղոտ» պաշտոնյաներն են կարևոր, իսկ Հայաստանի պարտություններով իրենք հպարտանում են»: