«Նամակներ եմ ստանում տնտեսվարողներից, որ հարկային մարմինները չափից ավելի խստապահանջ են». Նիկոլ Փաշինյան

«Հոկտեմբեր ամսվա տվյալների համաձայն՝ ՀՀ-ում աշխատավարձով ապահովված աշխատատեղերի նոր պատմական ռեկորդ է արձանագրվել. 2025 թվականի հոկտեմբերին արդեն ունենք 810 հազար 74 աշխատատեղ, որը նախորդ ամսվա համեմատությամբ ավելի քան 5000-ով ավելի է»,- այս մասին կառավարության նիստում ասաց վարչապետ Նիկոլ Փաշինյանը՝ ներկայացնելով ՀՀ տնտեսական ակտիվության ցուցանիշները։ Նա նաև հավելեց, որ այս տարվա 9 ամիսների ցուցանիշով արդեն արձանագրվել է 6 տոկոս տնտեսական աճ։

Միաժամանակ Փաշինյանն ընդգծեց․ «Նամակներ եմ ստանում տնտեսվարողներից, որ հարկային մարմինները չափից ավելի խստապահանջ են, և նաև Քննչական մարմիինն է չաից ավելի խստապահանջ»։

«Ընդհանրապես մեր գործընկերների հետ զրույցում այսպիսի սկզբունք ենք մենք որդեգրել, որ ՀՀ-ում չպետք է լինի որևէ տնտեսվարող, որը ունենա օբյեկտիվ հիմք ասելու, որ կառավարությունը հարկային գործունեության ֆիսկալ պրոցեսների արդյունքում իրենից վերցրել է թեկուզ մի լումա ավել հարկ կամ տուրք։ Մյուս կողմից՝ կառավարության դիրքորոշումն էլ այն է, որ չպիտի լինի տնտեսվարող, որ վճարի օրենքով նախատեսվածից մի լումա պակաս հարկ և տուրք»,- նշեց Փաշինյանը։