«Միհրանի նկատմամբ սա առաջին դեպքը չէ». Ռուբեն Մելիքյան

«Հակոբյանը զբաղվում էր հանրային, քաղաքական գործունեությամբ: Անձնական որևէ խնդիրներ չկային ու ակնհայտ է, որ խոսքը կարող է վերաբերվել բացառապես նրա հանրային գործունեության հետ կապված հարձակմանը»,- անդրադառնալով հանրային գործիչ Միհրան Հակոբյանի վրա հարձակման դեպքին՝ լրագրողների հետ զրույցում ասաց փաստաբան Ռուբեն Մելիքյանը: «Իրավապահ մարմինները շատ լավ հնարավորություն ունեն դեպքն արագ բացահայտելու: Թող բացահայտեն՝ հասկանանք՝ ինչ է տեղի ունեցել»,- նշեց նա: «Միհրանի նկատմամբ սա առաջին դեպքը չէ. 2021-ի ամռանը նրա տան դիմաց կայանած մեքենայի տակ մեկը նռնակ էր նետել: Դեպքը քննվեց, կասկածյալ չհայտնաբերվեց: Իմ համոզմունքն այն է, որ եթե դա բացահայտվեր, սա չէր լինի»,- հավելեց փաստաբանը: