«Եթե Սերժ Սարգսյանը ԵԱՏՄ մտնելու որոշում չկայացներ, հիմա ի՞նչ էիր ուտելու»․ Հայկ Մամիջանյան

«Նիկոլ Փաշինյանը չէր կարող Արցախը պահել։ Դժվար էլ որոշ կենտրոններ իրեն օգնեին գալ իշխանության, եթե պարտավորություն չունենար Արցախը հանձնելու։ Ինքը եկել էր Արցախը տալու»,- 168TV-ի եթերում ասել է ԱԺ «Պատիվ ունեմ» խմբակցության ղեկավար Հայկ Մամիջանյանը։

Խոսելով Արցախի հարցի բանակցային գործընթացից՝ Մամիջանյանը նշել է․ «Այն բանակցային ժառանգությունը, որը ձևավորվել էր մինչև 2018 թվականը՝ 3-րդ նախագահի ժամանակ, մեզ տալու էր հնարավորություն՝ ունենալ անվտանգության երաշխիքներով Լեռնային Ղարաբաղի միջանկյալ, ապա՝ վերջնական իրավական կարգավիճակ։ Այսօր այս հարցի կարևորագույն տերն ասում է, որ պատրաստ է փակել այդ էջը, նա տապալել է բանակցային բոլոր գործընթացները»։

Ըստ ընդդիմադիր պատգամավորի՝ Փաշինյանը ձախողել է բոլոր ոլորտներում, իսկ միակ գրանցված՝ տնտեսական աճի հիմքում էլ կանգնած է 3-րդ նախագահը։ «Փաշինյանի գրանցած՝ ընդ որում խիստ ուռճացված, միակ հաջողությունը, տնտեսական աճն է, բայց դրա առյուծի բաժինը նախագահ Սարգսյանի որոշման հիման վրա է։ Եթե ԵԱՏՄ մտնելու որոշումը չկայացվեր, հիմա ի՞նչ էիր ուտելու, ո՞նց էիր քո ու քո նախարարների աշխատավարձերը կրկնապատկելու, եռապատկելու, հավելավճարներ որտեղի՞ց էիր տալու»,- նշել է Մամիջանյանը։