«27.1%-ը նշել է, որ չի ճանաչում նախագահ Վահագն Խաչատուրյանին». Արամ Նավասարդյան

«GALLUP International Association»-ի հայաստանյան ներկայացուցչության ղեկավար Արամ Նավասարդյանն այսօրվա ասուլիսի ժամանակ ներկայացրեց՝ «Որքանո՞վ եք հավանություն տալիս հետևյալ քաղաքական գործիչներին, ինստիտուտներին» հարցման արդյունքները: «ՀՀ բանակ՝ 63,4 տոկոսը նշել է, որ լիովին հավանություն է տալիս, 18,4 տոկոսը նշել է, որ ավելի շուտ հավանություն է տալիս: ՀԱԵ՝ 63,3 տոկոսը լիովին հավանություն է տալիս, 14,4 տոկոսը ավելի շուտ հավանություն է տալիս: ԲՀԿ առաջնորդ Գագիկ Ծառուկյան՝ 38,9 տոկոսը նշել է, որ լիովին հավանություն է տալիս, 29,1 տոկոսը՝ ավելի շուտ հավանություն է տալիս: Գործարար Սամվել Կարապետյան՝ 31,6 տոկոսը գնահատել է լիովին դրական, 22,3 տոկոսը նշել է, որ ավելի շուտ հավանություն է տալիս: ՀՀ ԱԳ նախարար Արարատ Միզրոյան՝ 27,2 տոկոսը լիովին հավանություն է տալիս նրա գործունեությանը, 23,3 տոկոսը՝ ավելի շուտ հավանություն է տալիս: ՀՀ նախագահ Վահագն Խաչատուրյանի գնահատականին եմ ուզում ուշադրություն դարձնեք. ոչ թե դրական կամ բացասական գնահատական է, այլ 27,1 տոկոսը նշել է, որ չի ճանաչում նրան»,- ասաց Նավասարդյանը: