«ՀՀ գործող իշխանություններն Ադրբեջանին հասկացնել են տվել՝ Ղարաբաղի թեման Երևանի համար փակ է». Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը. «Եթե Խորհրդային Միության փլուզման պահը ընդունում ենք մեկնարկային կետ կամ իշխանությունների կողմից սիրելի Ալմաթին, ապա ունենում ենք հետևյալ պատկերը.
ա/ Խորհրդային Ադրբեջանի կազմում գոյություն ուներ հայկական Լեռնային Ղարաբաղի Ինքնավար Մարզ՝ ԼՂԻՄ, այսինքն՝ վարչատարածքային միավոր,
բ/ Խորհրդային Հայաստանի կազմում չկար չ ոչ մի վարչատարածքային միավոր՝ ինքնավար հանրապետություն, ինքնավար մարզ կամ ինքնավար օկրուգ,
գ/ Խորհրդային Ադրբեջանի բոլոր մարդահամարների տվյալներով՝ հայերը կազմել են այդ հանրապետության ամենամեծ էթնիկ փոքրամասնությունը: 1979 թվականի ԽՍՀՄ նախավերջին մարդահամարը կարելի է համարել վերջին վստահելին, քանի որ 1989-ինը անց է կացվել հայ և ադրբեջանցի բնակչության զանգվածային տեղաշարժերի ընթացքում: Հայության թիվը Ադրբեջանում կազմեց 475 486 հոգի կամ բնակչության 8 տոկոսից պակաս: ԼՂԻՄ-ում հայերի թիվը 123 076 էր, այսպիսով՝ առանց ԼՂԻՄ-ի հայերի թիվը Ադրբեջանում 352 410 էր:
դ/ Խորհրդային Հայաստանի բոլոր մարդահամարների տվյալմերով՝ ադրբեջանցիները կազմել են մեր հանրապետության ամենամեծ էթնիկ փոքրամասնությունը: 1979 թվականի ԽՍՀՄ նախավերջին մարդահամարի տվյալներով ադրբեջանցիների թիվը Հայաստանում կազմել է 160,841 կամ բնակչության 5.3 տոկոսը:
Հայաստանի գործող իշխանությունները Ադրբեջանին խոստացել են կամ հասկացնել տվել, որ Ղարաբաղի թեման Երևանի համար փակ է:
Հայաստանի գործող իշխանությունները Ադրբեջանին խոստացել են կամ հասկացնել տվել, որ հայերի վերադարձ Ղարաբաղ չի լինելու:
Ադրբեջանը շարունակում է տաք պահել Արևմտյան Ադրբեջանի խոսույթը:
Ադրբեջանը հետևողականորեն առաջ է տանում Հայաստան ադրբեջանցիների վերադարձի հարցը:
Ահա այն ամենը ինչ պետք է իմանալ Հայաստանի իշխանությունների՝ դիվանագիտական խոշորագույն հերթական ձախողման մասին»: