«Մարդիկ չգիտե՞ն, որ, իրենց բնորոշմամբ, ոչ պակաս թշնամի Թուրքիայից 30 տարի ներմուծումներ ենք ունեցել»․ Բաբկեն Թունյան

ԱԺ «Քաղաքացիական պայմանագիր» խմբակցության պատգամավոր Բաբկեն Թունյանի ֆեյսբուքյան գրառումը․ «Ուրեմն, Ադրբեջանից ընդամենը 1.5 մլն դոլարի բենզին է ներկրվել Հայաստան, ոմանք մի վայնասուն են դրել՝ թե բա՝ էս ի՜նչ եք անում, թշնամի երկրի բյուջեն եք լցնում, թշնամու բանակն եք ուժեղացնում և այլն:
Հետաքրքիր է՝ էս մարդիկ լուսնից են իջել ու չգիտե՞ն, որ, իրենց բնորոշմամբ, ոչ պակաս թշնամի երկրից՝ Թուրքիայից, շուրջ 30 տարի ներմուծումներ ենք ունեցել, հարյուրապատիկ ավելի մեծ ծավալներով:
Վերջին 20 տարում՝ 2006թ-ից մինչև այս տարվա հոկտեմբեր, ընդհանուր առմամբ, ավելի քան 4.3 մլրդ դոլարի թուրքական ծագման ապրանքներ են ներմուծվել Հայաստան. հագուստ, հագուստի պարագաներ, սարքավորումներ, պահեստամասեր, շինանյութ...
Ու շատ հետաքրքիր է՝ թուրքի դրոշ վառող դաշնակցականները, որ կառավարության մաս էին, «վոյին» նախագահը, ռազմահայրենասեր թուրքատյաց նախկին ու նախկինի նախկին պաշտոնյաներն ու գործիչները, նրանց մերձավոր շրջապատը չէին իմանո՞ւմ սրա մասին, թե՞ Թուրքիան բարեկամ երկիր էին համարում:
Թե բա՝ ադրբեջանական բենզինը չենք գնելու, մինչև էդ էլ՝ Ադրբեջանի տարածքով եկած ցորենից պատրաստված հացը չենք ուտելու... Լավ եք անելու, ձեր իրավունքն է՝ ինչ գնել, ինչ չգնել: Բայց սրտաճմլիկ ելույթներ ունենալուց առաջ ճիշտ կլինի ձեր ու ձեր հարազատների հագուստը փորձաքննության տաք. մարդ եք՝ պարզվի թուրքական է կամ թուրքական կտորից կարված, հանկարծ «կարճ միացում» չտա ձեր թեզերի հետ:
Իսկ Հայաստանը շարունակելու է հարևան երկրների հետ հարաբերությունների կարգավորման գործընթացը, այդ թվում՝ զարգացնելով տնտեսական կապերը»:

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
25919.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
24419.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
149516.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
123215.11.2026, 19:19
Խաղողագործներին փող չեն տալիս․ «Հրապարակ»
73614.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
163113.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
74412.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
197910.11.2026, 19:37