6 տարեկան երեխան այրվածքներով տեղափոխվել է հիվանդանոց

629

Երկուշաբթի, 05 հունվարի, 2026 թ., 12:36

Դեկտեմբերի 30-ին, ժամը 19։00-ի սահմաններում ՆԳՆ տեղեկություն է ստացվել, որ «ստորին վերջույթների և որովայնի ձախ հատվածի 2-րդ, 3-րդ աստիճանի այրվածք» ախտորոշմամբ «Սպիտակ» բժշկական կենտրոն երեխա է տեղափոխվել։

Ինչպես հայտնում է Գագիկ Շամշյանը, պարզվել է, որ երեխան Լոռու մարզի բնակիչ 6-ամյա Հ․ Վ-ն է, ում առողջական վիճակը միջին ծանրության է։ Ոստիկանության Սպիտակի բաժնի ծառայողները պարզել են, որ երեխան մարմնական վնասվածքը ստացել է իրենց տան հյուրասենյակում գազի վառարանի փականի հետ խաղալու, վառարանին միացված ռետինե խողովակը տեղից հանելու և առաջացած հրդեհի հետևանքով։

Դեպքի փաստով ոստիկանության Սպիտակի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Լոռու մարզային քննչական վարչության Սպիտակի քննչական բաժին։