«Պրուսական բանակի կարգախոսը պետության, հավատքի և բանակի անխախտ կապի հաստատումն էր»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Քչերը գիտեն, որ ժամանակակից բանակների նախատիպը պրուսական բանակն է։ Պրուսական բանակի կարգախոսն էր.
«Gott mit uns» (գերմ.՝ Աստված մեզ հետ է): Սա ոչ թե պարզապես կրոնական լոզունգ էր, այլ պետության, հավատքի և բանակի անխախտ կապի հաստատումը։
Զինվորների կարգախոսն էր. «Fidem Patriamque Servabo» (Ծառայում եմ Աստծուն և հայրենիքին): Սա հայրենիքի և աստվածային սիրո նույնացումն էր, հաստատումը, որ Հայրենիքին ծառայությունը ծառայություն է Աստծուն։
Պրուսիան առաջինն անցավ նորարար մարտավարության, որը ենթադրում էր.
Կենտրոնացում հիմնական հարվածի ուղղությամբ
Արագ հարձակողական գործողություններ
Կրակի և շարժման համադրություն։ Պրուսական բանակի նոր փիլիսոփայությունն հիմնված էր Կլաուզևիցի գաղափարների վրա, ով համարում էր, որ պատերազմը քաղաքականության շարունակությունն է։
Պրուսական բանակն աչքի էր ընկնում որպես համակարգ-բանակ։ Այն միավորում էր կարգապահությունը, ռազմական կրթությունը, կազմակերպվածությունը և ռազմավարական մտածողությունը»։