«Հիվանդ երևակայության հիմքով են կալանավորում, արատավորում բարի համբավը, խոշտանգում»․ Դերենիկ Մալխասյան

«Մայր Հայաստան» կուսակցության անդամ Դերենիկ Մալխասյանը՞ ֆեյսբուքյան էջում գրել է․ «Լսում ես Արեգնազ Մանուկյանի փաստաբանին ու սարսափում: Փաստաբանն ասում է՝ մեղադրանքը հիմնված է ինչ-որ մեկի ենթադրությունների վրա: Պատկերացնո՞ւմ եք, Կառլ, ենթադրության ու հիվանդ երևակայության հիմքով խիստ ռեժիմով կալանավորում են մարդուն ու իզոլացնում են աշխարհից: Մի կողմից մեղադրանք ներկայացնելով՝ արատավորում են Արեգնազ Մանուկյանի ու Անդրանիկ Թևանյանի բարի համբավն ու պատիվը, մյուս կողմից խիստ ռեժիմով կալանք տալով, ըստ էության, առնվազն հոգեբանական խոշտանգումների են ենթարկում: Մյուս սարսափելի իրողությունն այն է, որ ենթադրությունների հիման վրա յուրաքանչյուր մեկին կարող են մեղադրանք ներկայացնել ու կալանավորել, խոշտանգել, բարի համբավն ու պատիվը արատավորել: Մեկ այլ սարսափելի իրողությունն այն է, որ մեր հասարակության մեջ կան մարդանման երևույթներ, որոնք ո՛չ մեղադրանք են հասկանում, ո՛չ դատարանի վճիռ, ո՛չ տրամաբանություն ու բանականություն, որոնց համար նիկոլական պատժիչ մեքենայի յուրաքանչյուր հիվանդ երևակայական արգասիք վերին ատյանի ճշմարտություն է: Նմանները հավասար կերպով կիսում են ռեժիմի կողմից սանձազերծած բռնաճնշումների, հետապնդումների առնվազն բարոյական պատասխանատվությունը»։