Չորեքշաբթի, 14 հունվարի, 2026 թ.
|
Ստեփանակերտում`   -1 °C

89-ամյա կինը շփոթվել, մոմի փոխարեն հրավառության համար նախատեսված պայթուցիկ է վառել

89-ամյա կինը շփոթվել, մոմի փոխարեն հրավառության համար նախատեսված պայթուցիկ է վառել
608
Երեքշաբթի, 06 հունվարի, 2026 թ., 10:00

Հունվարի 4-ին, ժամը 21։20-ի սահմաններում ՆԳՆ տեղեկություն է ստացվել, որ «զույգ դաստակների մատերի անպուտացված վերքեր» ախտորոշմամբ «Իջևան» բժշկական կենտրոն է տեղափոխվել մի քաղաքացի։

Ինչպես հայտնում է Գագիկ Շամշյանը, պարզվել է, որ բուժօգնության տեղափոխվածը Տավուշի մարզի բնակիչ 89-ամյա Սիրան Ա-ն է։ Տուժածի 62-ամյա որդին ոստիկաններին հայտնել է, որ մայրը նշված վնասվածքները ստացել է նույն օրը ժամը 19։20-ի սահմաններում իր ննջասենյակում շփոթմամբ մոմի փոխարեն պահարանից հրավառության համար նախատեսված պայթուցիչը վերցնելու, վառելու և ձեռքերի մեջ պայթելու հետևանքով։

Դեպքի փաստով ոստիկանության Իջևանի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Տավուշի մարզային քննչական վարչություն։