«Պետական պարտքը երկրաչափական պրոգրեսիայով աճում է»․ Վահագն Սարոյան

Ռազմական փորձագետ Վահագն Սարոյանը ֆեյսբուքյան էջում գրում է․ «Պատկերացնո՞ւմ եք՝ այսօր Հայաստանի իշխանությունները, թողնելով կենսական խնդիրների լուծումը, հետևողականորեն զբաղված են Եկեղեցու քանդմամբ։
Կրթությունը՝ «դպրոցաշինության» ցուցադրական ծրագրերի քողի տակ, փաստացիորեն քայքայվում է։ Գյուղատնտեսությունն ու արդյունաբերությունը աճ չեն արձանագրում։ Անվտանգությունը «փսևդո խաղաղության» անվան տակ դարձել է առավել փխրուն, քան երբևէ։ Թոշակներն ու աշխատավարձերը չեն բարձրանում, իսկ պետական պարտքը երկրաչափական պրոգրեսիայով շարունակում է աճել։
Եվ այս ամենի պայմաններում իշխանության առաջնահերթությունը ոչ թե այս խնդիրների լուծումն է, այլ Եկեղեցու դեմ պայքարը։
Երբ երկիրը խնդիրներով խեղդվում է, իսկ իշխանություն ամուլ է, ապա թիրախ են դարձնում արժեքբերը և այն ինստիտուտը, որը դարերով եղել է ազգային ինքնության հենասյուն»։