Ուրբաթ, 14 օգոստոսի, 2026 թ.
|
Ստեփանակերտում`   +27 °C

«Հայաստանի համար սա լուրջ ռիսկ է»․ Արման Բաբաջանյան

«Հայաստանի համար սա լուրջ ռիսկ է»․ Արման Բաբաջանյան
1369
Երեքշաբթի, 13 հունվարի, 2026 թ., 17:18

ԱԺ նախկին պատգամավոր Արման Բաբաջանյանի ֆեյսբուքյան գրառումը․ «ԱՄՆ նախագահ Դոնալդ Թրամփը հայտարարել է, որ այսուհետ Իրանի հետ առևտուր իրականացնող ցանկացած երկիր ԱՄՆ-ի հետ իր ամբողջ առևտրի վրա կարող է ենթարկվել 25% մաքսատուրքի։
Հայաստանի համար սա լուրջ ռիսկ է, որովհետև Իրանից մենք բերում ենք տնտեսության «հիմքային» ապրանքներ՝ վառելիք, էներգետիկ բաղադրիչներ, երկաթ-պողպատ ու արդյունաբերական հումք, որոնք նստած են ամեն ինչի ինքնարժեքի մեջ։
Եթե այս շղթան թանկանա կամ բարդանա՝ թանկանում է շինարարությունը, տեղափոխումը, ու վերջում՝ ապրանքի գները։
Բանկերը նույնպես խստացնում են՝ փոխանցումները ձգձգվում են, վարկերը թանկանում, բիզնեսի շրջանառությունը սեղմվում։
Պետք է արագ հասկանալ՝ որտեղ է ռիսկը, բանկերի հետ պայմանավորվել պարզ կանոնների շուրջ, և ԱՄՆ-ի հետ սկսել կոնկրետ բանակցություն՝ կենսական ներմուծումների համար հնարավոր բացառության մասին, որ անորոշությունը չդառնա գների աճ ու տնտեսական ակտիվության անկում»։

Աղբյուրը`   Արման Բաբաջանյան

Կարդացե՛ք նաև