Մահացել է իտալացի լեգենդար դիզայներ Վալենտինո Գարավանին

Նորաձևության իտալացի լեգենդար դիզայներ Վալենտինո Գարավանին մահացել է 93 տարեկան հասակում:
Գարավանին պատմության մեջ է մտել՝ որպես համաշխարհային նորաձևության արդյունաբերության կենտրոնական դեմքերից մեկը և արժանիորեն կրել է «Իտալական նորաձևության կայսր» ոչ պաշտոնական տիտղոսը: Նրա հիմնադրած Valentino տունը տասնամյակներ շարունակ սահմանել է բարձր նորաձևության չափանիշները: Մաեստրոյի հաճախորդների թվում էին առաջին տիկնայք, թագավորական ընտանիքների անդամներ և Հոլիվուդի խոշոր աստղեր: Վալենտինոն պաշտոնապես թոշակի անցավ և ավարտեց իր կարիերան 2008 թվականին, սակայն նրա անունը և նրա ստեղծած ապրանքանիշը մնում են անթերի նրբագեղության և դասական իտալական ոճի հիմնական խորհրդանիշները։

Դիզայների մահվան պատճառը դեռևս չի հրապարակվել։