«Վերջին տարիներին Վրաստանի իշխանությունների քաղաքականությանը ծափահարել է միայն Մոսկվան»․ Արման Բաբաջանյան

ԱԺ նախկին պատգամավոր Արման Բաբաջանյանի ֆեյսբուքյան գրառումը․ «Տեղեկացա, որ քաղաքական «փորձառու» նորելուկներից մեկը երեկ գովերգել է Վրաստանի իշխանությունների վերջին տարիների քաղաքականությունը։ Ամենևին չնսեմացնելով Վրաստանի կարևորությունը Հայաստանի համար՝ պետք է ասել սակայն, որ վերջին տարիներին Վրաստանի իշխանությունների քաղաքականությանն ամենախանդավառ կերպով ծափահարել է միայն Մոսկվան:
ԵՄ բարձր ներկայացուցիչը Վրաստանի 2024թ. հոկտեմբերի 26-ի ընտրություններից հետո արձանագրել է, որ միջազգային դիտորդները դրանք չեն հայտարարել ազատ ու արդար, իսկ Եվրախորհրդարանը պահանջել է ընտրությունների արդյունքների վերանայում՝ միջազգային վերահսկողությամբ։
ԱՄՆ-ը 2024թ. մայիսի 23-ին հայտարարեց ժողովրդավարությունը խաթարողների նկատմամբ վիզային սահմանափակումների քաղաքականության մասին և սկսեց ԱՄՆ–Վրաստան համագործակցության համապարփակ վերանայում, իսկ 2024թ. հուլիսի 5-ին հետաձգեց «Noble Partner»-ը՝ դա կապելով Թբիլիսիի վերջին վարքագծի հետ։
Այս համապատկերում Իվանիշվիլիի գլխավորությամբ Վրաստանի իշխանության գովերգումը «փորձառություն» չէ․ դա ուղիղ պաշտպանություն է մի քաղաքականության, որը մեկուսացնում է Վրաստանը և ուժեղացնում Մոսկվայի ազդեցությունը տարածաշրջանում»։