Իսպանիայում առաջին անգամ դեմքի փոխպատվաստում է կատարվել դոնորի էվթանազիայից հետո

Metro-ն հաղորդում է, որ իսպանական Վալ դ'Հեբրոն կլինիկան աշխարհում առաջին անգամ էֆթանազիայի ենթարկված դոնորից դեմքի մասնակի փոխպատվաստում է իրականացրել։

Կին բուժառուն մասնակի փոխպատվաստման կարիք է ունեցել բակտերիալ վարակի պատճառով։ Հիվանդությունից հետո նա չի կարողացել ուտել, խոսել կամ տեսնել։ Նրան իր դեմքը նվիրաբերել է մեկ այլ կին, ով որոշել է կյանքից հեռանալ էֆթանազիայի միջոցով:

Վիրահատությանը մասնակցել է ավելի քան 100 բժիշկ։ Պրոցեդուրայից հետո կինը մոտ մեկ ամիս անցկացրել է հիվանդանոցում՝ վերականգնողական բուժում անցնելով: Արդյունքում վերականգնել է դեմքի ֆունկցիան, միմիկան և խոսքը։ Դեմքի փոխպատվաստման դոնորը պետք է լինի հիվանդի հետ նույն սեռից։ Նրանք պետք է նաև ունենան համապատասխան արյան խումբ և գլխի չափս։ Վիրահատության ընթացքում բժիշկներն օգտագործել են անոթային-նյարդային միկրովիրաբուժության բարդ տեխնիկա։

Աշխարհում նման վիրահատություններ կատարում են միայն սահմանափակ թվով բժշկական կենտրոններ։ Նշվում է, որ հենց Վալ դ'Հեբրոնում է 2010 թվականին աշխարհում առաջին անգամ դեմքի ամբողջական փոխպատվաստումը կատարվել։