«Այդքան հարկ եք հավաքել, ինչո՞ւ է պետական պարտքը սարից գլորված սառցալեռի նման աճում»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Շարունակեք քերթել հարկատուների՝ մեր ժամանակների հերոսների կաշիները։
ՊԵԿ նախագահ Էդուարդ Հակոբյանը հայտնում է․ «2025 թվականի ընթացքում հարկ վճարողների հետ համատեղ ապահովել ենք հարկային եկամուտների երկնիշ բարձր աճ․ հարկային եկամուտների և պետական տուրքերի մուտքերը կազմել են 2 տրլն 725.2 մլրդ դրամ, ինչը 2024 թվականի նույն ցուցանիշից ավելի է 14 տոկոսով, պետական բյուջեի մասին օրենքով սահմանված ցուցանիշի նկատմամբ փաստացի մուտքը կազմել է 100.2 տոկոս, իսկ տարվա ընթացքում օրենքի փոփոխություններով վերանայված ցուցանիշի նկատմամբ՝ 100.3 տոկոս: Շնորհակալություն եմ հայտնում բոլոր հարկ վճարողներին, ովքեր օրինապահություն, կարգապահություն և հոգատարություն են դրսևորում այս կարևոր գործընթացի և պետության հանդեպ»։ Բա այդքան հարկ եք հավաքել, ինչո՞ւ է պետական պարտքը սարից գլորված սառցալեռի նման աճում, գուցե արդեն 15 միլիարդ դոլարի է հասել։ Հայաստանի պետբյուջեն դանայան տակառ է , ինչքան շատ հարկ, տուրք, վարկ լցնես, տակառի տակը ծակ է, բյուջեն պետական մեծ պաշտոնյաները կայֆերով մսխում են։
ՊԵԿ, շարունակեք եռանդուն քերթել հարկատուների՝ մեր ժամանակների հերոսների կաշիները»։