«Գործարարներն ավելի բարձր տոկոսներով են գումար գտնում, որ նախորդ տոկոսով գումաները փակեն». Սամվել Գևորգյան

Բիզնես-փորձագետ Սամվել Գևորգյանի ֆեյսբուքյան գրառումը․ «Չէի պատկերացնում, բայց նման բաներ դեռ կատարվում են ու շատ են: Միայն վերջին մեկ ամսվա ընթացքում մի քանի նման դեպքի եմ հանդիպել ու մեկը մեկից ապշեցուցիչ:
Խոսքը ներդրողների կամ բիզնեսին տոկոսով փող ներգրավելու տարբերության մասին է:
Պատկերացրեք մի գործարար, ում մեկ այլ, բիզնեսից դուրս մարդ առաջարկում է ներդրում անել իր բիզնեսում: Առաջին հայացքից կարծես բարի նպատակ է, գալիս են համաձայնության, փողը մտնում է բիզնես ու... Պարզվում է, դա ոչ թե ներդրում է, այլ տոկոսով փող: Մարդը փող է «ներդրում» բիզնեսում, պահանջում իր մայր գումարն ու տոկոսները՝ անկախ նրանից բիզնեսի գործերը լավ են, թե վատ: Իր խոսքով, ինքը բիզնեսի մեջ է, բայց գործով՝ փաստացի տոկոսով փող տվող:
Երբ «ներդրողին» առաջարկում ես սահմանել իր դերը բիզնեսում, ասում է, ես մեջն եմ: Դա նշանակում է մի պարզ բան. նա պետք է «տեր լինի» ոչ միայն շահույթին, այլ նաև բիզնեսի վնասներին: Դե արի ու տես, որ ոչ: Իրեն չի հետաքրքրում վնասները:
Նշանակում է այդ մարդը ոչ թե բիզնեսի մեջ է, այլ ընդամենը փոխառություն տվող: Այս պարագայում էլ, բիզնեսի գործերը եթե վատ են, նշանակում է պետք է գումաների վերադարձման նոր գրաֆիկ սահմանել: Նույնիսկ բանկերի հետ է նման բան հնարավոր, իսկ այս դեպքում, պարզվում է, ոչ, անհնար է:
Արդյունքում գործարարներն ավելի բարձր տոկոսներով են գումար գտնում, որ նախորդ տոկոսով գումաները փակեն: Արդյունքում, կործանվում է, թե բիզնեսը, թե գործարարը, թե մարդկային հարաբերությունները:
Գործարարներն այս ծուղակն ընկում են տարբեր, օբյեկտիվ ու սուբյեկտիվ պատճառներով, բայց փաստ է, որ սա տանում է տոտալ ձախողման»:

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
25219.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
23719.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
147916.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
122115.11.2026, 19:19
Խաղողագործներին փող չեն տալիս․ «Հրապարակ»
73314.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
162213.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
74112.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
197110.11.2026, 19:37