«Եթե սեփականատերերի հետ համաձայնություն չլինի, ՀԷՑ-ը կարող է հանրային գերակա շահ ճանաչվել»․ Մեսրոպ Մեսրոպյան

«Այս փուլում, երբ մենք դադարեցրել ենք ՀԷՑ-ի բաշխման լիցենզիան, հաջորդ փուլով՝ երեքամսյա ժամկետում պետությունը պետք է նախկին սեփականատերերին բաշխման լիցենզավորված գործունեություն իրականացնելու համար անհրաժեշտ գույքի սեփականության իրավունքի օտարման գործընթաց սկսի և դրա շրջանակներում պետք է գին առաջարկի նախկին սեփականատերերին և եթե կգան համաձայնության՝ շատ բարի, տեղի կունենա սեփականության իրավունքի փոխանցումը՝ վճարելով համապատասխան գումարը։ Եթե չի լինի համաձայնություն, դրանից հետո հանրային գերակա շահ ճանաչելու ճանապարհով կշարունակվի ՀԷՑ-ի բաժնեմասերի և գույքի օտարման իրավունքի փոխանցման հարցը»,- ասուլիսի ժամանակ ասաց ՀԾԿՀ նախագահ Մեսրոպ Մեսրոպյանը՝ պատասխանելով լրագրողի այն հարցին, թե արդյոք պետությունը պատրաստվում է գերակա շահի հիմքով վերցնել ՀԷՑ-ի սեփականության իրավունքը։ «Այս պահին դեռ չենք կարող ասել՝ ինչպիսին կլինեն ելքերը, որովհետև այդ առաջարկությունը որպես այդպիսին դեռ չի եղել, դեռ ժամանակ կա»,- հավելեց Մեսրոպյանը։