«Գեղեցիկ խոստումներ տալու ու խաբելու վարպետներ են»․ Արմենակ Դանիելյան

Երևանի ավագանու «Մայր Հայաստան» խմբակցության անդամ Արմենակ Դանիելյանի ֆեյսբուքյան գրառումը՝ կից տեսանյութով․ «Մի մարդ, որ իր կյանքում ոչ մի հավելյալ արժեք չի ստեղծել, բարիք չի ստեղծել, տնտեսություն չի ղեկավարել, արտադրություն չի ղեկավարել, ո՞նց կարող էր պետություն ղեկավարեր։
Հարգելի հայրենակիցներ, ձեզանից քանի՞սն է աշխատում Նիկոլ Փաշինյանի կառավարման օրոք հիմնած շաքարի գործարանում, կենցաղային տեխնիկայի գործարանում, ավտոմեքենաների գազաբալոնների և վերելակների գործարաններում, Sayna և Sepuh 1 ավտոմեքենաների գործարաններում, կամ այս գործարաններից քանի՞սն են աշխատում և ձեզանից քանիսն է օգտագործում նրանց արտադրանքը։
Սրանք ստի ու կեղծիքի իշխանություն են։ Սրանք միայն գեղեցիկ խոստումներ տալու և խաբելու վարպետներ են։ Նիկոլ Փաշինյանը վերջին 8 տարում բացի քանդելուց, ավարտելուց, կործանելուց ոչ մի բան չի ստեղծել, կառուցել, ավելացրել։
Սթափվիր միամիտ ու խաբված ժողովուրդ»։