Ուրբաթ, 14 օգոստոսի, 2026 թ.
|
Ստեփանակերտում`   +26 °C

«Քաղաքացիներն ահազանգում են, որ էլեկտրաէներգիայի համար վճարել են կրկնակի, եռակի»․ Գառնիկ Դանիելյան

«Քաղաքացիներն ահազանգում են, որ էլեկտրաէներգիայի համար վճարել են կրկնակի, եռակի»․ Գառնիկ Դանիելյան
1205
Ուրբաթ, 20 փետրվարի, 2026 թ., 16:48

ԱԺ «Հայաստան» խմբակցության պատգամավոր Գառնիկ Դանիելյանի ֆեյսբուքյան գրառումը. «Մեր քաղաքացիները հանդիպումներին, ինչպես նաև զանգերի և նամակների միջոցով ահազանգում են, որ նախորդ տարվա նույն ժամանակահատվածի համեմատ դեկտեմբեր և հունվար ամիսներին էլեկտրաէներգիայի համար վճարել են անհամեմատ ավելի շատ՝ կրկնակի, եռակի։
Նույնիսկ այն քաղաքացիների դեպքում, որոնք այս ամիսներին մեծամասամբ բացակայել են տանից, կազմել է բավականին մեծ գումար։
Սա տարակուսանք է առաջացրել հանրության շրջանում։ Այդ ինչպե՞ս են հաշվել էլեկտրաէներգիայի դիմաց վճարման հաշիվներն այն դեպքում, երբ սպառման ծավալների փոփոխություն չի եղել։
Ինչպես Էրեբունի համայնքում օրեր շարունակ էլեկտրականության անջատման և փոխհատուցման անհրաժեշտության, այնպես էլ այս հարցով դիմել էի Հանրային ծառայությունները կարգավորող հանձնաժողովին։ Խնդրի վերաբերյալ ՀԾԿՀ-ն տվել է ոչ բավարար պատասխան՝ հայտնելով, որ 2026 թվականի հունվար ամսին Հանձնաժողով ներկայացվել է նմանօրինակ ընդամենը 1 դիմում։
Հետևողական եմ լինելու, որպեսզի հարցն, ի վերջո, պարզաբանվի։ Մեր հայրենակիցները թալանի միջոց չեն»։

Աղբյուրը`   Գառնիկ Դանիելյան

Կարդացե՛ք նաև