Չորեքշաբթի, 08 հուլիսի, 2026 թ.
|
Ստեփանակերտում`   +23 °C

«Հեզբոլլահ»-ը չի միջամտի, եթե ԱՄՆ-ն «սահմանափակ» հարվածներ հասցնի Իրանին

«Հեզբոլլահ»-ը չի միջամտի, եթե ԱՄՆ-ն «սահմանափակ» հարվածներ հասցնի Իրանին
1326
Չորեքշաբթի, 25 փետրվարի, 2026 թ., 20:24

Լիբանանի «Հեզբոլլահ»-ի առաջնորդը AFP-ին ասել է, որ շարժումը չի միջամտի, եթե ԱՄՆ-ն «սահմանափակ» հարվածներ հասցնի Իրանին։

Միևնույն ժամանակ նա նշել է, որ Իրանի գերագույն առաջնորդ Ալի Խամենեիի դեմ ցանկացած ուղղակի հարձակում կդիտարկվի՝ որպես «կարմիր գիծ»։

Շարժման ներկայացուցիչը չի հստակեցրել, թե կոնկրետ ինչ միջոցներ կարելի է ակնկալել ի պատասխան Խամենեիի վրա հարձակման։

Ավելի վաղ Reuters-ը, վկայակոչելով լիբանանյան բարձրաստիճան պաշտոնյաներին, հայտնել էր, որ Թել Ավիվը զգուշացրել է Բեյրութին, որ եթե «Հեզբոլլահ»-ը մասնակցի ԱՄՆ-ի և Իրանի միջև պատերազմին, Իսրայելը հարված կհասցնի Լիբանանին՝ թիրախավորելով քաղաքացիական ենթակառուցվածքները, այդ թվում՝ օդանավակայանը»։