«Քաղաքական թիթիզությունն ինձ համար շատ ծանր պատկեր էր»․ Ռոբերտ Քոչարյան

«Տարածաշրջանում լրջագույն խնդիր է գոյացել, և հենց առաջին օրերին այն քաղաքական թիթիզությունը, որը սադրեց այս իշխանությունը, ինձ համար, որպես նախկին նախագահի, շատ ծանր պատկեր էր»,- «Մեծ քաղաքականություն» փոդքասթի ժամանակ ընդգծել է Ռոբերտ Քոչարյանը՝ անդրադառնալով «Հայաստան» խմբակցության պատգամավոր Աննա Գրիգորյանի դիտարկմանը, թե Նիկոլ Փաշինյանն այս օրերին իր թիմակիցների հետ կարկանդակ է ուտում ու շարունակում խոսել խաղաղության մասին։

«Եթե ՀՀ իշխանությունը ականջալուր լիներ, փորձեր մի քիչ հասկանալ ու սպառնալիքները ճիշտ գնահատեր, մենք Արցախը չէինք կորցնի․․․ Իշխանության անպատասխանատվությունը բերում է ծանրագույն հետևանքների, և այդ գինը վճարում է ժողովուրդը․․․ Մենք պարտավոր ենք զգուշացնել ժողովրդին, որ լրջագույն պրոբլեմ կա, և եթե Հայաստանը հիմա չլրջանա, շատ ավելի մեծ խնդրի առաջ կկանգնենք»,- նշել է նա։