«Ո՞վ է տեսել՝ ինչ-որ մեկը ցնդաբանություններ դուրս տա, իսկ դրան պաշտոնապես պատասխանի ընդդիմությունը»․ Հարութ Ուլոյան

Հրապարակախոս Հարութ Ուլոյանը ֆեյսբուքյան իր էջում գրում է․ «Այս մարդկանց թվում է, թե իրենք այնքան շուստրի են, որ իրենց շուստրիություններով կարող են մարդկանց ապուշի տեղ դնելով իրենց տաքուկ տեղերը հավիտենական պահել: Ո՞վ է տեսել ինչ-որ մեկն ինչ-որ ցնդաբանություններ դուրս տա, իսկ դրան պատասխանի ընդդիմությունը, այն էլ՝ պաշտոնապես: Կամ, այդ որտե՞ղ է գրած, որ կոնկրետ մարդիկ կարող են բաց-բաց հայտարարել, որ Հայաստանը պետք է ԵՄ, ՆԱՏՕ, չգիտեմ էլ ուր մտնի, պետք է իր բոլոր սահմանային անցակետերը հանձնի Ֆրանսիային ու նման բաներ, բայց մեկ այլ ոք իրավունք չունի հայտարարել, թե Հայաստանը պիտի Միութենական մտնի:
Իրենց շուստրիությամբ՝ քաղաքականության նոր օրենք են հնարել. ընդդիմությունը պետք է պայքարի ընդդիմության դեմ, իսկ ով իշխանության դեմ է պայքարում՝ ԿԳԲ գործակալ է: Ըստ այս մարդկանց՝ Հայաստանում անկախության դեմ գործող ուժեր կան, բայց այդ ուժերի դեմ պետք է պայքարի ոչ թե իշխանությունը, այլ ընդդիմությունը:
Անկախության դեմ գործելն ի բնե հակասահմանադրական է, ու եթե մարդիկ կան, որոնք, իբր, դրա տակ վտանգ են տեսնում, ապա նրանց մտահոգությունները պետք է ուղղված լինեն բացառապես իշխանություններին: Իսկ այս մարդիկ, ինչպես վերջին տարիներին տեսնում եք, զբաղված են զուտ էժանագին պրոպագանդայով»: