Ըստ ՄԱԿ-ի տվյալների՝ Իրանում մոտ 3,2 մլն մարդ տեղահանվել է

Իրանում մոտ 3,2 մլն մարդ ստիպված է եղել լքել իր մշտական բնակության վայրը պատերազմի պատճառով: Այս մասին հայտնել է ՄԱԿ-ի Փախստականների հարցերով գործակալությունը:

ՄԱԿ-ի փախստականների հարցերով արտակարգ իրավիճակների աջակցության խմբի ղեկավարը, մասնավորապես, հայտարարել է. «Նախնական գնահատականներով՝ շարունակվող հակամարտության հետևանքով 600000-ից մինչև 1 մլն ընտանիք ներկայումս ժամանակավորապես տեղահանվել է Իրանի ներսում, ինչը կազմում է մինչև 3,2 միլիոն մարդ»:

Նա նաև նշել է, որ այդ թիվը, ամենայն հավանականությամբ, կշարունակի աճել, քանի որ ռազմական գործողությունները շարունակվում են, ինչը վկայում է հումանիտար կարիքների տագնապալի սրացման մասին: