«Մահացել է Իրաքում բազայի վրա հարձակումից վիրավորված ֆրանսիացի զինծառայողներից մեկը»․ Մակրոն

Իրաքի Էրբիլ նահանգում գտնվող բազայի վրա անօդաչու թռչող սարքի հարձակման հետևանքով վիրավորված ֆրանսիացի զինծառայողներից մեկը մահացել է։ Այս մասին Ֆրանսիայի նախագահ Էմանուել Մակրոնը գրել է X-ի իր էջում։ Նրա խոսքով՝ ֆրանսիացի մի քանի զինծառայողներ նույնպես վնասվածքներ են ստացել։

Մակրոնը նշել է, որ Իրաքում ֆրանսիացի զինվորականների ներկայությունն իրականացվում է ահաբեկչության դեմ պայքարի մասին համաձայնագրերի շրջանակներում: Ընդ որում, նա շեշտել է, որ պատերազմն Իրանում «չի կարող արդարացում ծառայել նման հարձակումների համար»:

Ավելի վաղ հաղորդվել էր, որ ֆրանսիացի 6 զինծառայողներ վիրավորվել են Իրաքի Էրբիլ նահանգում գտնվող բազայի վրա անօդաչու թռչող սարքի հարձակման հետևանքով։

Ըստ տեղեկությունների՝ հարձակումն ուղղված էր Էրբիլի մոտակայքում գտնվող քրդական ռազմանականացված կազմավորումների ճամբարի վրա։ SHAFAQ News-ի հաղորդմամբ, հարձակման է ենթարկվել քրդական ջոկատների և ֆրանսիական ուժերի համատեղ բազան: