«Ռոբերտ Քոչարյանը պետք է պատասխան տա, որ ինքը հարստացավ, իսկ ՀՀ-ն դարձավ թշվառների երկիր». Զարեհ Սինանյան

«Ռոբերտ Քոչարյանն ասում է՝ մինչև այս իշխանությանը չհեռացնենք, չեմ հանգստանալու, պատասխան եք տալու. սա ինչպե՞ս կմեկնաբանեք»,- ճեպազրույցի ժամանակ հարց ուղղվեց Սփյուռքի գործերի գլխավոր հանձնակատար Զարեհ Սինանյանին: «Միակ պատճառը, որ նա նման հայտարարություններ է անում, այն է, որ ինքը պատասխան չի տվել իր արածների համար, որի համար ես շատ ցավում եմ: Եթե պատասխան տված լիներ, տենց բաներ չէր ասի»,- արձագանքել է պաշտոնյան: Հարցին, թե ինչի՞ համար պետք է պատասխան տար, Սինանյանն ասել է. «ՀՀ-ն աշխարհի ամենաաղքատ, ամենահետամնաց երկրի վերածելու համար, նրա համար, որ ինքը հարստացավ, իսկ երկիրը դարձավ թշվառների երկիր, անպաշտպանունակ. այդ ամենի համար»: