«Հայաստանը սկսել է բռնապետացվել, և դա ամրագրված է նաև միջազգային զեկույցներով»․ Արմեն Աշոտյան

ՀՀԿ փոխնախագահ Արմեն Աշոտյանը ֆեյսբուքյան էջում տեսանյութ է հրապարակել, որում նշում է․ «Շվեդական հետազոտական ժողովրդավարությամբ զբաղվող խոշորագույն կենտրոններից մեկն արձանագրել է, որ ժողովրդավարության սանդղակում Հայաստանի դիրքերը կրկին վատթարացել են և բռնատիրություն է սկսվել․․․

Արևմուտքի իշխող շրջանակները գովում են Նիկոլին, արևմուտքի խելոք և վերլուծական շրջանակները մատնանշում են, որ նա դառնում է բռնապետ, ճիշտ այնպես, ինչպես գրված է իմ հիշատակած զեկույցում։ Լիբերալ ժողովրդավարության ցուցանիշով, օրինակ, Հայաստանի դիրքերը մեկ տարվա ընթացքում վատացել են 10 հորիզոնականով, իսկ մասնակցային քննարկման ցուցանիշով, թե որքանով են որոշումները մեր երկրում քննարկվում ընդունվելուց առաջ, վատացել է շուրջ 20 հորիզոնականով․․․ Որքան էլ Նիկոլ Փաշինյանը Կարաբաս-Բարաբաս դեմքով փորձի հոխորտալ ներսում, իսկ դուրսում փիսիկ խաղալ, մեկ է Հայաստանի իրական իրավիճակը թաքցնել հնարավոր չէ։ Այն մարդկանց համար, ովքեր նստում են այս խորհրդարանական շենքում։ Հայաստանը վաղուց ժողովրդավարություն չէ, Հայաստանը սկսել է բռնապետացվել, և դա ամրագրված է նաև միջազգային զեկույցներով»։