«Եթե նման որոշում կայացնեն, ՀՀ-ն դուրս կգա թե՛ ՀԱՊԿ-ից, թե՛ ԵԱՏՄ-ից»․ Ալեն Սիմոնյան

Ճեպազրույցի ժամանակ լրագրողը հարց ուղղեց Ալեն Սիմոնյանին՝ Փաշինյան-Պուտին վերջին հանդիպման վերաբերյալ․ «Հանդիպման ժամանակ բավականին բաց տեքստով էր ամեն ինչ ասվում, տպավորություն էր՝ ռուսական կողմը ուզում է հայ ժողովրդին հասանելի դարձնել այն, ինչ մտածում է․ վտանգների մասին էին մեզ զգուշացնում։ Հանդիպումը եզրահանգումների առիթ է տվել, որ վերջնագրեր են ներկայացրել ՀՀ-ին՝ ԵԱՏՄ, ԵՄ և այլ հարցերում»,- նշեց լրագրողը։ Սիմոնյանն արձագանքեց․ «Նման խոսակցությունները նոր չեն՝ ապրանքների, գազի գնի հետ կապված տարիներ շարունակ եղել են։ Եթե նման որոշում կայացնեն, ՀՀ-ն էլ իր որոշումը կկայացնի ու վերջնականապես դուրս կգա թե՛ ՀԱՊԿ-ից, թե՛ ԵԱՏՄ-ից, բայց չեմ կարծում՝ դրան կգնա, կհասնի»։